Hanne sin...

Tante sin skjønne

2012-01-14T22:39:00.001+01:00

IMAG0151, a photo by Sigrun & Ragnar on Flickr.

Sjå for ein nydeleg liten fyr...
I tantelaga dress :-)

Kosestund på ein søndag

2012-01-09T19:40:00.000+01:00

Lesestund for alle bebisane.

Og det beste poseringsgliset når ho oppdaga fotografen...

Godt nytt år!

2012-01-02T18:39:00.001+01:00

I år har eg nyttårsforsett.
I år igjen...

Det er mykje det same som tidlegare år.
Nytt og bedre liv, ikkje sant?
Meir av noke - mindre av noke anna

Gidde ikkje snakke høgt om det, for vi veit jo kor god den fisken pleie å vere.
Det er ikkje berre eg som brukar eit nytt år som løsninga på alle dårlege vanar. Som om det er 2011 som er skyld i at eg ikkje er treningsnarkoman eller sunnhetsideal. Og når året er omme så fortar vi oss og lemper oppgåva over til det nye året - no er det "ditt" problem. Fiks meg!

God jul...

2011-12-23T19:54:00.002+01:00

Førjulskos

2011-12-11T22:11:00.001+01:00

Det er tid for kos.

Rett og slett kos i alle krokar og i alle hus.

I dag var det pepperkakehuspynting og julegrøt hos farmor og bestefar.

Mesterverket av husets femåring har fått hedersplass i vinduskarmen,

og er sjølvsagt det finaste huset eg har sett.

Vi hadde tenkt oss på lysfest på Fløien i ettermiddag, men makan til vær... Det regna, slik det kan i Bergen. Og endå litt til igrunn. Og sjølv om regnklær, tursko og hodelykt var klar i sekken, så frista det ikkje særleg.
Når vi kjørte heim i pissregnet sa eg til tidlegare omtalte femåring at eg meinte vi hadde gjort eit klokt valg i å ikkje reise på fjellet...
"ja, du er klok, og det betyr at du kan masse"
ja?
"kossen laga vi fossilar?"
jo, det er jo f.eks. døde dyr som har lagt i leire eller stein i mange mange mange år og som har laga avtrykk
"kossen laga vi trær då? Kan du svare på det også"

(jippi, tenke eg - det kan eg!)

jo, det er jo frø fra fleire trær.... (så avbryte han meg...)
"jaa, men det første treet, mamma... kossen lagde noken det første treet?"
nei, det kan eg ikkje svare på (damn)
"då er du ikkje så klok likevel, då"

Luer

2011-12-08T19:30:00.001+01:00

Det er vinter.
Virkelig...
Det har kome mykje snø (som vel og merke er i ferd med å ren vekk).
Det har vore opp til fleire minusgrader, og no er det storm på veg.
Og trafikken i Bergen har vore kaotisk i eit par dagar.

Alt dette er sikre teikn på vinter.

Likevel er det visst ikkje alltid lett å huske dei små viktige ting.
Ka har alle barn på seg ute no? Ikkje solkrem, ikkje joggesko...

... ja, nemlig - lue
Eg stod utanfor butikken og venta på familien min i fem minutt i ettermiddag og såg ikkje mindre enn tre små håpefulle utan lue. Og det var skikkelig surt, med masse vind. Førstemann hand i hand med ei bestemor, den andre sammen med ei mamma og sistemann på armen til pappa, som sjølv var ikledd ei av desse tjukke klaffeluene med pels inni. Det var like før eg stoppa han og sa at kanskje jenta på armen kunne fått låne den...
Skjerpings!

Eg likar luer
Eg synst det er kjekt å strikke luer
Eg forsyna utvalgte medlemmer av familien min med Arne og Carlos-luer

Luer og refleks, folkens
Det er den tida på året...

Julevindu?

2011-12-04T19:28:00.000+01:00

2011-11-27T13:34:00.001+01:00

Første søndag i advent. Gutten min og eg kosa oss med å finne fram juleting i går - fekk på plass stjerne og lysestake og litt forskjellig. Sidan vi aldri er heime i jula, så pyntar vi litt ekstra til advent.

I dag er det julegateopning i burettslaget, og eg er med i miljøutvalget og har fått baketeneste. Huset luktar nysteikte bollar og brownies. Regnet har letta og i følge yr.no skal det faktisk vere opplett akkurat den stunda vi har arrangement utandørs. Godt planlagt?

God søndag!

Svipptur til Sverige

2011-11-24T21:29:00.001+01:00

Eg var ein snartur til Gøteborg denne veka. Det går faktisk direktefly frå Bergen av og til, så då er det berre ein time unna...

Men eg er ikkje særlig glad i å fly - og desse flya er ikkje særleg store. Og veret i Bergen i går ettermiddag var ikkje akkurat rolig. Så det var heilt greit å sette føttene på bakken.

Hadde turen vore meir enn frå ein dag til neste, så hadde eg kanskje fått sett litt meir av byen. Julemarked i Liseberg, kanskje? Eller litt fine sentrumsgater med koslege kafèar. I taxi til og frå flyplassen er inntrykket av byen rett og slett ikkje noke særleg. Men vi hadde uansett ikkje tid til anna enn jobb og litt mat og søvn. Kjapt og effektivt. Veldig bra!

På området der vi holdt til - Nya Varvet - så hadde dei laga litt julestemning...
Og på tax-free hadde dei både vin og sjokolade ;-)

Snart helg!

Produktiv helg

2011-11-20T22:26:00.000+01:00

Litt påfyll av ting til julemessa på Hermansverk i helga.
Dessverre får eg ikkje vore der sjøl - men eg sender innover litt ting som mamma tar med på messe.

Slettes ikkje Frode Rasmussen

2011-11-16T18:11:00.001+01:00

Han derre Bjarte altså...

Bildet lånte eg fra Den Nationale Scene

Det er jammen meg gutten sin det.

I går var eg og min mamma på teater. Ho fikk billettar i bursdagspresang på søndag.

Har jo hørt at dette er bra. Detta må du få med deg-kommentarane har vore mange. Men eg er litt sånn som framleis tenkje at eg skal gå på nattjazz i juli, og sjå pepperkakebyen i mars...

Men vi var der - og herr Hjelmeland hadde ein særs god dag. Snakk om å stråle. Han hadde både publikum og sine medspelarar i si hule hand. Nesten dårleg gjort å stjele showet på den måten. Det var ein fryd å sjå. Tårene trilla både av latter og alvor. Eg er fullstendig betatt. Også Bjørn Willberg Andersen er knusande god - vakker stemme og ein karakter du blir glad i.Kunne jatta vidare med superlativ og lovord...

Eg ser det gjerne igjen.
Og poenget med overskrifta er jo sjølvsagt for dei som har sett teaterstykket. Eg er heldigvis ein av dei. Føle meg faktisk både priviligert og litt rikare og det kan ikkje vere anna enn eit stort kompliment.

Det går over

2011-11-14T21:20:00.001+01:00

Den hissige Hanne fra sist innlegg er blid igjen for lenge siden. Det er jo berre tull å vere langsint, ikkje sant? No er det jo snart jul og alt mulig. Første julemarked er vel overstått. Sånn passelig greit fornøgd med det. Solgte litt og kjøpte litt ;-)

Julebord har det også blitt i helga... og i morra skal eg på teater med min mamma. Ho fikk billettar i bursdagspresang i går. Så då skal vi kose oss :-)

Er det mulig?

2011-11-02T19:05:00.000+01:00

Dette bildet tok eg i dag på vegen frå Øyrane torg til barnehagen. Det er ein miljøstasjon her - der ein kan levere glass og metall, papir og kartong og klær. Tidlegare kunne ein også levere plast. Det vart det slutt på når folk kasta alt mulig anna oppi der det skulle berre vere plastikk. Då fjerna BIR containeren. Men dei fjerna ikkje problemet - for folk setter faktisk frå seg plastikkbosset likevel. Og fuglar og kattar og anna har full fest og det ser til slutt slik ut;

Og dette er folk som tek bryet med å sortere plastikken først - før dei set den frå seg og forårsakar eit griseri utan like.
Hallo...
Eg er så oppgitt at eg veit ikkje kor eg skal begynne - bildene har eg sendt til BT med kopi til BIR, men ka kjem vel ut av det? I dag er eg berre litt sint og måtte få det ut. Skuffa av folk. Ikkje særleg stolt av å være norsk - sutrete, klagete folk... kor er logikken?
"dei har tatt vekk containeren - då sett eg fra meg bosset mitt her berre på trass" ...?...
Kor vanskeleg er det å sortere boss og levere det dit det skal? Sjå konsekvensar litt utover eiga navlelo...

Det hadde vore ein fryd å sett kven det var - plukka opp bosset og tatt det med heim til dei - strødd det utover eiga plen - ikkje der det går masse folk kvar dag. Barnehagen til mine barn går denne vegen ofte. Matar ender og er miljødetektivar som sorterar eige avfall frå barnehagen.
For noken flott forbilder som skapar slike gode nærmiljø.
FY SKAM!

ARG!

Snart tid for julemarked

2011-11-01T21:30:00.003+01:00

Det er snart tid for julemarked på Paradis skole. Eg skal vere med - sammen med mange andre som er veldig flinke... huff... litt prestasjonsangst. Ikkje er det særlig mykje tid til produksjon heller no for tida. Travle dagar.

Men eg har sydd ferdig desse fire små kjolane i str 2 år. Det er ein start, iallefall... så får vi sjå kor mykje meir vi får ferdig innan 12. november.

Vaffelhjarte

2011-10-28T18:33:00.000+02:00

Det er ikkje alltid eg gler meg til barne-tv fordi eg gler meg til det som kjem på sjølve barne-tv... Må innrømme at det som regel er andre ting som gjer den halvtimen attraktiv. Rolege barn, tid til nylaga kaffi (blogge litt).

Men på fredagane sender dei ein ny NRK-serie basert på ei bok av Maria Parr - Vaffelhjarte
Den er berre god...

Og musikken er av Odd Nordstoga, ein av mine favorittar. Eg har kjøpt cd'en og den er god og varm og fin - akkurat som serien.

2011-10-25T18:20:00.002+02:00

Det nydlegaste veret... i den vakraste byen...
Må faktisk berre linke til BT i dag. For noken var lure nok til å trosse Ole Lukkøye i natt og tok ein tur ut i natta. Sjå kor fint det var der...

Bildet har eg STJÆLT av Pål Bentdal som kosa seg ute i natt med kameraet sitt... Gratulerer med det kulaste bildet eg har sett på lang tid. Nok eit lite spark i sida til ein wanna-be hobbyfotograf... Få ut fingeren og lær, Hanne Marthe.

Eg er reint misunneleg. Skulle visst kome meir til natta, så eg vurderar å strekke leggetida i dag. Dette er jo verd noken ekstra gjesp på ein onsdag... eller?

No er han endeleg her...

2011-10-13T22:12:00.002+02:00

Julemarsipanen så klart.
Julemennene har vi sett lenge, men i dag var også marsipanen på plass.

Sjølv er eg ikkje tilhengar av noken av delene - og får iallefall ikkje julestemning av slikt. Men det er kanskje ein liten peikepinn på at vi må begynne å tenke på jul. At det er greit å planlegge litt julegaver - og at det er på høg tid å begynne å produsere ting som skal vere med på julemesse.

Og ønskelister... i år var min kjære svigermor foran julemarsipanen i løypa - og kom med spørsmål om ønskeliste allereie sist helg, 9. oktober... Det er ny rekord - og julegavene kjem sikkert i hus lenge før nissen har leita fram skjegget frå postkassa.

Men heldigvis er eg ein "julete" person. Gler meg over å tenke på julegaver, lage juleting, kose meg med juletankar og julemas. Difor skal eg vere med på to små julemesser i år... sjøl om eg ikkje hadde tenkt til det. Men slikt er jo berre kjekt.

Enn så lenge nyt eg hausten med varm te i litervis og så mykje kos eg klarar...
Denne helga blir det tante-tur til Høyanger og neste helg ein ny tante-tur til hovedstaden...

Ull til gull

2011-10-09T08:25:00.003+02:00

Min nye lille nevø har fått dress i ullfilt av tante. Den var pittelitt stor ;-) Kan vel trygt gå ut ifrå at den vil vare ei stund. Trur den fall i smak. Og ullsesongen er definitivt i gang.

Det var neste ned til frysepunktet natt til i går, så her har vi leita fram tjukke gode ullklær og tepper i sofaen.

Det har ikkje vore mykje kreativt frå meg i det siste. Det som er sydd er stort sett til dei to små arvingane. Denne kjolen i grå ullfilt f. eks;

Men i noveember skal eg vere med på eit marked på Paradis skole. Skal legge ut ein plakat og slikt etterkvart - men det er 12. november dersom nokon vil sette av ein dag til litt julehandel. Det ser ut til å vere eit koslig lokalt marked arrangert av skulekorpset (i litt god sånn bygdeånd, som eg likar)

Ny verdsborgar

2011-09-27T20:45:00.000+02:00

Ja, for ein verdsborgar blir han nok, min splitter nye nevø, som kom til verda i går.
Han har foreldre som trivast med å reise rundt i verda - så han får seg sikkert ein tur eller to han også etterkvart.

Men enno treng han ingenting anna enn trygge hender og gode ord. Han er heilt heilt ny... og eg gler meg så veldig til å få holde han og bli kjent med han.

Det er skikkelig LUKSUS å bli tante...

Ut på tur... berre litt sur

2011-09-15T22:27:00.000+02:00

Lille frøken fantefjes fekk seg ein skikkelig smell i barnehagen fredag. Mista litt av eine tanna og hovna opp til det ugjenkjennelige i halve fjeset dagen etter. Stakkars liten - satt nok ein liten demper på humøret...

Ei litt fuktig helg i fagre sogn - men med gode plommer på trea, mykje kos og snille søskenbarn.

Vått val

2011-09-12T20:58:00.002+02:00

Det er valdag.
Eg har nett levert valkort og putta stemmesedlane i urna.

"åsså føles det så føles det så bra... aha... aha"

Ja, for det gjer igrunn det. Det føles godt. Fint å vere ein del av demokratiet og fint å vere engasjert nok til å ønske å delta. Fint å vite at det er mange som tek turen i regnet i dag og gjer det same som meg.

Trur eg skal finne meg ein kopp te og eit par nyplukka plommer frå sogn - snart kjem første landsprognose.

Kan ein "vrikke" kneet?

2011-09-08T19:23:00.000+02:00

Humpe, halte... au au
Stakkars meg, lissom ;-)
Jaja, så lenge eg kan kjøre bil - for i helga reise ungane og meg til fagre sogn. Det er planleggingsdag mandag, så det blir ei god langhelg med plommer på treet og mykje kos med mormor og morfar. Vi gler oss :-)

Konfirmasjon og vepsestikk

2011-08-29T18:29:00.004+02:00

Det er igrunn helga sine store hendingar kort oppsummert.
Lørdag var det konfirmasjon i Skjold kirke med festligheter etterpå. Ein særs triveleg dag med ein flott konfirmant, mykje god mat, fine ord og trivlege gjestar.

Mine tankar gjekk meir enn ein gong til mitt kjære tantebarn i Høyanger som er konfirmant neste år. Det er ein stor og viktig dag. Det skal gjerast stas på - og det skal vere mykje merksemd. Eg gler meg...

Og endå hadde vi ein heil søndag igjen av helga - ein fin søndag med sol. Opne dører og vind i gardinene. Sommerdagar i slutten av august - det er deilig. Vi kan gjerne tviholde litt på sommarleg glede... men

... sommardvaske vepsar kan vi klare oss uten. Den svinsa inn i vår sommarsøndag og ødela for to kompisar som satt heilt stille saman i saccosekken og såg på film.
Eg såg vepsen snuse rundt føttene deira...
Brått var den vekk...
Kor blei det av vepsen, Viljar?
-eg veit ikkje UUUUUUUUUUUUUUUUÆÆÆÆÆÆÆÆÆÆÆÆÆÆÆÆÆ!
DEN STAKK MEG INNI BUKSA! MAMMMMMMMMAAAAAA!
Thriller/drama i stua. Hyl og skrik og panisk mor drar av gutten buksa og vepsen flyg veggimellom med brodden slengande etter seg.
Eg finn sjølvsagt tid til å vise den skrikande guten vepsen som stikk seg til døde (Hah!), men han var overraskande ikkje så interessert i skadedyret sitt liv og levende akkurat då. Kanskje ikkje heilt pedagogisk?

Og kva gjer vi når verken barnelærdom eller kjærringråd har lagra seg i hjernen om denne problemstillinga. Jo - med gråtande gut på fanget går vi raskt igang med å spørre google: kva gjer vi med vepsestikk?
Google svara alltid :-)
"Og hon sa" at vi skulle vere i ro, holde stikket høgt og gjerne holde ein isbit på. Vi gjorde alle ting og eit par timar seinare var det heile gløymt.

Erfaringar...

Bergen kunstmuseum

2011-08-22T19:55:00.000+02:00

Å vere på kunstmuseum med ein femåring er jo ein god tanke... men kanskje ikkje heilt den opplevinga ein kunne ønske.

Min svoger inviterte oss med - og eg hadde veldig lyst på museum. Men to vaksne og tre barn (6, 5 og 3 år) = meir stress enn kultur...

Kreative kunstopplevingar - som t.d. å ligge på golvet å studere Picasso.

Men eg fekk iallefall inspirasjon til å gjer liknande ting... noko meir på barna sine premissar, kanskje. Snart opnar barnemuseum i Bergen - og vi har jo mange strålande alternativ i og rundt byen vi bur i.

ups... ka skjedde?

2011-08-18T21:53:00.004+02:00

Han fekk plutselig eit heilt anna smil, skjønningen...

No går det vegen

2011-08-15T20:05:00.002+02:00

Høgtlesing er sovemedisin... iallefall for meg som les. Han som høyre på er fem og et halvt og har lopper i blodet sjølv når han blir lest for. Men no begynne det å gå seg til...
for no er det han som les for meg.
"Ka bok skal vi lese i dag?"
"Eg veit mamma... den blå med norsk" (Det er ei ordbok for barn. Vi har ei engelsk og ei norsk)
"ok, skal du lese då - så kan eg høre på? Tre bokstavar?" (Det er eit par-tre sider med ord for kvar bokstav)

Så varmar han gjerne opp med å deklamere alfabetet nesten på rams og sette igang med å lese ord og små setningar. I dag var det A... agurk, avocado, arm, alvorlig osv
Og mor sit ved sida av senga og blinkar veldig seint, medan han lev seg inn i bokstavane si vakre verd. Håpar gleden med ord og bøker veks saman med han. Det skal ikkje stå på meg iallefall :-)

Trøtte troll

2011-08-12T17:59:00.004+02:00

Første veka tilbake til kvardagen...
To vaksne i full jobb og to barn i barnehage...

So far - so good

Men vi blir jo litt trøtt, kanskje?

Ikkje vanskelig å få to trøtte troll i seng i kveld...
Kunne vore fristande å låne litt av Spidermandyna og ta ein lur sjøl
- men eg held ut :-)

Snart blir det vin og scampi og ein actionfilm frå 80-talet.

Ein ganske vanleg måndag...

2011-08-08T19:25:00.003+02:00

For folk flest - iallefall for mange - har dette vore ein heilt vanleg måndag.
Ein dag utan store hindringar, og ein dag med akkurat passe mykje innhald og passe mykje kvardagsmas.

Min måndag har vore litt over middels når det gjeld innhald - og sjølv om det er fullstendig udramatisk, så er det starten på eit nytt kapittel i vår lille familie...

Eg hadde første dag i ny jobb, og vår lille frøken fantefjes har hatt første dag i barnehagen...

... for eg er sååå stor...

... og det var igrunn det.
Ingen store ting å "skrive heim om". Fin dag på jobb og barnehagetilvenninga gjekk smertefritt for både far og barn.

Men lell...

Saras nøkkel

2011-08-04T21:52:00.005+02:00

Eg har akkurat lest ferdig Saras nøkkel av Tatiana De Rosnay.
Det er så godt med sånne bøker som eg blir så glad for å ha lest - ikkje glad av å lese, men dette var heilt klart ei bok til ettertanke. Typisk bok der ein tyr til klisjear når den skal omtalast:
"Anbefalest på det varmeste."
"Rørt til tårer."
"Denne glemmer du aldri."
"Klarer ikke å legge den fra deg."

Vel, eg anbefalar den verkeleg varmt. Den gjorde stort inntrykk på meg, og var tidvis så sterk at tårene trilla. Men eg er særs lettrørt. Og eg kan ikkje sei at eg ikkje vil gløyme boka - heller tvert om. For hukommelse har eg ikkje mykje ekstra av. Eg klarte fint å legge den fra meg også, sjølv om det som regel er meir av prioritering enn lyst...
Skal eg plukke frøken fantefjes med mamma sin mobiltelefon ned frå spisebordet eller lese vidare?
Kan eg lese et kapittel til mens ho går igjennom bosset? Sikkert berre rutinesjekk på kildesorteringa...

Men eg har iallefall lest boka - og likte den veldig godt.
Konklusjonen;
- heldigvis fekk eg meg til å lese denne.
og...
- ka skal eg no lese? For eg finne sikkert aldri noke som eg likar like godt...
- (joda, det gjer eg alltid.)

fisk, ferie og familie

2011-07-30T21:27:00.002+02:00

Når vi er på "lannet" er det alltid spennande å sette garn. Denne sommaren var vi der ei veke - saman med heile min familie... Garnet vart sett ut og vi håpa jo det vart nok til middag til oss alle. Fangsten var overveldande...
Vi måtte rett og slett ut på bygda for å gje vekk noko av det vi drog opp (mest fordi vi for tida er utan frysar). Og middag vart det - variert og delikat: kokt torsk, ovnsbakt ørret og panert flyndre. Veldig godt! Og dagen etter vart det plukkfiskekaker til lunsj :-)

Litt blod på tann, så handla vi inn krabbeteiner og sette dei ut. Tre ivrige fiskarar på 5, 9 og 13 år kunne hale inn denne fangsten... så blei det litt krabbe til midddag også :-) Nam nam! Den flotte store målte 23 cm over skjellet, noko som vi av "ekspertar" fekk godkjent som ein skikkelig storing...

Været var litt opp og ned, men meir opp enn ned og det vart mykje utetid. Frisk luft, god mat, turar og kos.

Den eine dagen åt vi lunsj på Haaheim Gaard i Uggdal.
Denne staden kan berre anbefalast på det absolutt varmaste. Det er ei oppleving. Meg og min kjære 5-åring var ein tur på toalettet før maten og han ville helst berre vere der... vi måtte rett og slett jage folk på do, slik at dei fekk oppleve det... hmmm... nei, legg turen innom dei som kan. Du vil ikkje angre.

2011-07-27T10:11:00.002+02:00

Sommerstemning?
På terrassen er det vann... ikkje sol.
Det er ikkje sommerstemning. Kunne like gjerne vore oktober...
I tunet vårt er det litt feriestille, med ein gjeng mopedgutar som einaste unntak. Dei er lenge oppe og kosar seg med sitt. Ikkje like koseleg for oss andre...

Eg ser litt på dei når eg tenner mitt kvite lys i vinduet om kvelden. Rynka mellom augene er vekk. Berre bråk, tenkjer eg... og lev. Ein gong er det mine to som skal vere ungdom og bråke for naboar. La dei bråke.

Tom og trist

2011-07-23T18:01:00.002+02:00

Det er ein tung dag.
Ekstreme inntrykk.
Uverkelege bilder.
Utrulege tal på mennesklege skjebner.

Medkjensla er inderleg frå eit heilt folk.
Men ingen kan fatte...

Kva har skjedd? Korleis kunne det skje?

Det er kvalmande tungt og knusande trist...

å puste med magen

2011-07-14T21:08:00.003+02:00

I dag har eg pusta med magen...
Aktive småtroll, inaktiv fjortis, varme i været og alle huslege ting som må fiksast heile tida.

Dagen er inndelt i små små porsjonar av gjeremål;
Bli vekt, stå opp, servere skive, drikke og ny bleie
Spise litt sjøl... kanskje rekke ein kopp te før lille frøken utolmodig krev sitt (og ditt)... og ha for all del kjedelig pålegg på eiga skive, som ikkje lokkar fram misunning og "må-ha" blikket i den lille fantefrøkna.

Blidgjere nummer to som kjem luskande ned trappa. 5 år og eit blankt ark. Dagens start kan erfaringsmessig vere avgjerande for... ja, la oss kalle det liv og helse... Kos eller tøys? Klarar vi å treffe rett i dag.

Hjelpe litt med klær, mat og det som måtte stå på dagsorden - mange verdsproblem vert løyst i morgontimane i vår ringe heim...

Lese litt nettaviser, sette på kaffi
Drikke kaffi...
drikke litt meir kaffi...

Ny runde med litt bleieskift, foring og legging av minimuffin.
Prøve å redde verda, vaske klær, oppdatere hodet og kose seg på maksimum 2 timar...

Så ny foring, skifte klær, ta ein tur ut - aktivisere småtroll
Vekke fjortis-troll... aktivisere det. Dvs dra med ut å finne på noke ein trur kanskje ein fjortis likar. For kem veit? Eg er iallefall ikkje "connected".

endå er dagen berre halvvegs, men like lite interessant vidare. No står det middag i ovnen, og torer eg påstå: eit velfortent glass vin på bordet til gamle, slitne tante Hanne...

Opptelling av grå hår følger...

nam nam nektarin

2011-07-11T22:28:00.000+02:00

svipptur til Fjærland

2011-07-11T22:08:00.000+02:00

Høg trivsel til sjøs

2011-07-03T14:31:00.002+02:00

Dette er også ein måte å gjer det på.
Komme seg vekk frå dei vaksne og den sutrete lillesøstra.

"Kjøre" sin eigen båt...

Trivselen i jolla er iallefall høg. Seglbåten til farmor og bestefar er slepebåt... Der kan vi gå ombord for proviantering og anna. Men det er strengt tatt liten vits. I jolleriket har ein igrunn det ein treng. Og ei stund etter dette bilde vart tatt, så tok vi dette;

Shady lady?

2011-07-03T13:58:00.000+02:00

snille Sabeltann

2011-06-25T18:41:00.002+02:00

Innimellom blir det forhandla litt med lørdagssnopet her i huset. Og ofte endar det med eit blad i stedenfor. Vel og bra tenke eg, men er igrunn oppgitt over heile bladindustrien som lokkar ungane med TRAGISK plastikk tull... Leiker som blir ødelagt før dei er pakka ut og som ikkje har noke mål og meining. Og innholdet er muligens eigna betre for litt større barn (som kan lese sjølv), men er uansett tidvis veldig spinkelt.

Men (og her kjem vi til dagens tema) der er som regel ein konkurranse eller slikt som ein kan svare på ved å sende mail eller sms. Det har vi gjort noken gangar. Og her ein dag fekk 5-åringen pakkelapp i posten. Premie frå Kaptein Sabeltann stod det. Eg tok med meg den sprekkferdige guten og henta pakken. Den var ti gonger større enn eg hadde trudd... Såg for meg gåvekort på saftis i dyreparken, cd med reklame for dyreparken, postkort frå parken med "personleg helsing"...

Men eg tok feil

Her er premien;

Full habitt - hatt og frakk. Siden prislappane stod på, kan eg fortelle at utsalsprisen i dyreparken er 249,- for hatten (som han no har to eksemplar av) og 399,- for frakken. Dei tjenar iallefall pengar på denne merkevara ;-) Her blir nokon rik...

Men vi er veldig fornøyd med gesten og premien fall i SÆRS god smak...

Sommar - visstnok?

2011-06-24T08:42:00.004+02:00

No er det visst sommar...
Det har vore sommarfest i barnehagen, sommerfest med koret, og jonsokfeiring i borettslaget.

(Onsdag var koret på byen ein tur - middag og litt vin. På veg heim etter ein lang dag kjente eg at det skulle bli godt å få av støvlettane... så når eg gjekk av bussen, tok eg dei berre av like godt)

Men eg har eit mentalt etterslep. Truleg noko grunna været, men også fordi vekene berre går så rasande fort. Eg trur eg er komen til påske kanskje - har forsåvidt framleis ting eg skulle gjort både til jul og påske. Og i vinter skulle vi gått meir på ski, vore meir på kino, pussa opp, sydd meir... men det toget er ikkje berre gått - det er allereie på tur tilbake.

(For nokre veker sidan fekk vi klar beskjed om at no skulle støttehjula av.
Bildet er frå første sykkeltur til barnehagen uten støttehjul. Ein skikkeleg tur på nærare 3 km :-)

Sola har snudd og snart vil dagane bli mørkare igjen.
Sommarvekene er korte og forte...
Alle har lange burde-burde-lister
Men det er andre ting som er viktig... denne sommaren er den einaste vi får med ein 5-åring og ei jente på snart 1 1/2 ... Eg gler meg til å sjå dei spise bær i hagen til morfar og springe på plenen.
Små barn - store gleder.
Sånne dagar med ingen timeplan.

(I går var eg på min eigen avslutningsfest. Har slutta i jobben eg har hatt i snart 4 år. Då fekk eg roser og fine gåver :-)

glimt frå ei St. Hansfeiring

2011-06-23T20:42:00.003+02:00

Ikkje kom borti grillen, min venn. Du må ikkje komme borti - den er veeeeldig varm. Pass på så du ikkje kjem så nærme grillen...
"ma- ha-maaaaa, eg fikk vondt"
- Ka skjedde?
"eg kom borti med fingeren på grillen"

-No er det potetløp for alle barna. Alle får premie
"mamma, eg får ikkje premie"
- joda, alle får premie
"eg vil ikkje"
"eg klare ikkje!"
"eg har vondt i fingeren"...

"mamma, eg vil ikkje gjør dette fleire ganga. Det var ikkje noke morro. Eg lika ikkje sånne konkurransa. Eg vil ikkje ha premie. Mamma, koffor fikk dei tre premia og eg berre to...?"

- vil du ha litt sjokoladekake?
"Ja"

...

Flørtande frøken fantefjes...

2011-06-20T20:41:00.000+02:00

... og meir er det ikkje å sei om den saken

Morgenstund har gull i munn?

2011-06-13T08:14:00.003+02:00

Whatta lotta crap!

eller... det har jo sjølvsagt sin sjarm.
Varme, mjuke og gode barn rett fra senga.
Klar for ein ny dag - full av energi.

Og etter ein runde med vasking, skifting og beverting så er "på-knappen" trykka inn og det er full fres. Då er vegen kort mellom stille harmoni foran barne-tv og fulle sirener. Det går gjerne litt fort i svingane og det er lett å snuble litt i seg sjøl...

Det er iallefall deilig med meir helg. Ein ny dag der vi ikkje skal noken ting. Kjenne eg oss rett klare vi det heilt fint :-)

Heia Sogndal?

2011-06-10T23:02:00.002+02:00

Kvar gong Brann spelar mot Sogndal, blir eg eit hakk meir sogning og utvilsomt Sogndalssupportar. Tilhengarar av dei raude gler seg over at dei kvite og svarte (og tidvis rosa) ofte går tapande ut av dette oppgjeret på Vestlandet.

Eg nyttar muligheten til å bli kjepphøg og tøff i trynet dersom Sogndal skulle vinne, men bryr meg fint lite når dette ikkje skjer... som i dag.

Det blir forøvrig ikkje noke vane med innlegg om fotball her... vi får sjå om Sogndal vinn neste gong dei spelar mot Brann - kanskje då?

Torgdag på Hillesvåg

2011-06-07T20:12:00.002+02:00

På laurdag var vi innom torgdagen på Hillesvåg. Det er husflidlaget som står som arrangør, og det er konsentrert rundt ullvarefabrikken som ligg på kaiområdet på Hillesvåg. Litt høg gamle-menn-spelar-trekkspill -faktor, men det var koslig stemning og været blei berre betre og betre.

Der var ein del salsboder med alt frå lefser, såpe, barneklær, ullvarer, tre og kermaikk. I kafeen var der stompekaker og anna godt - og vi kosa oss med demonstrasjonar av ulike hendverksteknikkar. På bildet ser de Ida tove seg ein blomst, og Viljar lagar sitt eige hoppetau.

Litt for ein kvar smak...
Ein fin dag - kjem gjerne tilbake neste år.

Gatemarked - restesalg

2011-06-06T08:42:00.005+02:00

Fantastisk dag på gatemarked på Finnemannsplass i går. Masse folk og strålande sommervær. Litt solbrent dagen derpå og med litt
restesalg på bloggen...

Bildet er tatt før markedet opna. Etterhvert kribla det av folk og stemninga var veldig god.

Dette er litt av det som var igjen... Vi legg ut forskjellig på bloggen. Siden dette var i Tuva sin størrelse, fikk eg tatt noken "live-bilder". Ikkje enkelt, kan eg love... Ho ville helst stå bak kamera sjølv, og kor lenge står ein unge på 16 mnd stille?

Gatemarked

2011-06-01T23:33:00.004+02:00

Søndag 5. juni kl 12 - 16 er det gatemarked på Finnemannsplass i Sandviken. Har ikkje vore med der før, men i år skal vi være der med litt "nestenperfekt" - produkter.

Klikk gjerne inn på bloggen for å kikke på smakebitar. Og ta gjerne ein tur på søndag. Det skal bli fint vær...

Sjarmerande Stavanger

2011-05-27T20:59:00.004+02:00

Eg har hatt gleda av å tilbringe tre dagar i Stavanger denne veka. Der har eg ikkje vore sidan eg var ung og lovande og ikkje hugsar noke... så det var igrunn ein ny by for meg. Og eg vart litt betatt...

Men sidan denne turen var i jobbsamanheng, så vart det ikkje tid til så mykje usakleg shopping og slaraffenliv på lokale kafear og slikt. Derfor har eg funne ut at eg må tilbake. Rett og slett :-) Så er det sagt...

Gatemarked

2011-05-23T18:48:00.004+02:00

5. juni skal det vere gatemarked på Finnemannsplass i Sandviken. NestenPerfekt har meldt seg på, og no går symaskina titt og ofte... Blir litt sommerklær... mest jentete, er eg redd. Men skal bli gutteting også.

Her er noken smakebitar. Det er blitt fleire siden bildet vart tatt...

Markedet har over 50 stands og er åpent fra kl 12 - 16, 5. juni. Det må jo være ein fin ting å gjør ein sommersøndag.

Dagane

2011-05-18T10:07:00.002+02:00

Det er mange ting ein må gjer.
Det er mange ting ein bør gjer.
Innimellom gjer ein ting ein ikkje skulle ha gjort...
og så kjem alle ting andre vil du skal gjer.
Men viktigast er dei tinga du har lyst å gjer.

Til saman blir alle desse gjeremål til dagane dine.

Kva gjer du mest ? Må, bør, lyst? Kva er det viktigaste for deg?

Eg trur ei lett blanding er det beste. Kanskje er det luraste du kan gjer for deg sjølv å stikke nasen opp frå alle gjeremål og lukte litt på livet som susar forbi. For dagane kjem og går uansett. Dine, og alle andre sine...

Vel overstått nasjonaldagsfeiring!

Fagre Sogn

2011-05-10T21:15:00.003+02:00

Har hatt langhelg i sogn...
Det er heilt fantastisk å vere der.
Særleg når dagane er lyse, lange og full av sommer...

Grønt gras og glade fjes...

,Dei søte små er ute heile dagane. Springe i hagen, leike på plenen, grille i gapahuken og ikkje minst... is på altanen

Når pysjen skulle på fann vi sand fra sandkassa heilt inn i bleien :-)

Blafre-bukse

2011-05-06T20:56:00.000+02:00

Til sin 1-årsdag fekk frøken fantefjes rett og slett litt metervare... frå Blafre-design.
No har eg brukt litt av det. Ny buksedress med skaut til. Synst den blei ganske sommerlig og fin :-)

Arne og Carlos

2011-05-01T21:53:00.004+02:00

Før jul kjøpte eg eit hefte med mønster til mange strikkaluer. Hadde lurt litt på Arne og Carlos sine julekuler, men så såg eg heftet med luene deira i stedenfor - og kjøpte samtidig garn til den eine. Svart med raud hanekam. I romjula blei eg ferdig med den og ei til... og endå ei... og siden det har det blitt mange. Dette er den siste - og nummer 11 så langt. Det er restegarn (veldig økonomisk ;-) og fargen går over fra koksgrå til svart midt på. Vise faktisk nesten bedre på bildet enn "IRL".

Skulle ikkje forundre meg om det blir noken slike til julegaver...

Lånte bildet av heftet her.

Det aller første mønsterheftet eg noken sinne har kjøpt!
Det er fillete og godt brukt, så eg kan ikkje sei eg angra på kjøpet. Morsomt!

Jenta mi...

2011-04-29T11:49:00.000+02:00

Påskeglimt...

2011-04-24T18:43:00.002+02:00

Det har vore ei roleg og fin påske med late dagar i sola...

Først noken dagar heime, så noken på "lannet"
Der vart det fiska, strikka, rodd, lest, spist og drukke...

Været i ein klasse for seg og rein idyll...

mmm... krabbe
I klørne på ein ivrig liten fiskar på fem.

Mens vi ventar...

2011-04-17T18:58:00.001+02:00

... på godværet. I dag er det innevær i Bergen, og då blir det innekos.

Tåka ligg langt nedover fjellsida, og det er vått...
Dei andre var på leikeplassen ein tur, men bortsett frå det har vi holdt oss inne med ganske typiske søndagsaktivitetar.

Til barne-tv hadde vi nysteikte shillingsbollar.

God påske!

Bursdagsfeiring med skogstur og sushi

2011-04-09T23:08:00.002+02:00

Pappaen i huset har bursdag i dag...

Vi feira med pølsegrilling i Hordnesskogen. Det "ekte" selskapet blir i morra. Då skal vi feire videre - sammen med ei lita niese som blir 3 år :-)

Det var ein nydeleg dag - så bursdagsbarnet har nok vore ein snill gut siste året.

Til middag laga eg sushi.

... med ørret, steinbit og scampi (litt juks siden den ikkje er rå, men...)

ein fin dag... og gratulerer til min kjære, gode...

Kjole på bestilling

2011-04-07T18:04:00.000+02:00

Denne kjolen er sydd på bestilling.
Den er sydd i mørk brun isoli, og pynta med blonde, hekla blomster og ein stor applikert blomst i romantisk rosa mønstra stoff. Håpar verkeleg den passar og fell i smak hos mottakaren :-)

Ulldress fra mormor

2011-04-05T08:42:00.001+02:00

Mormor har strikka ulldress til frøken rosa.
Den er strikka og tova og er heilt nydelig....
Eg fikk dressen overlevert sammen med masse ull i løsvekt i deilige fargar fra søstrene Grenes... det var meint til pynt. Og resultatet blei sånn;

Litt pastellblomster som er nålefilta på dressen.

No må det gjerne komme tørt og fint vårvær slik at vi kan bruke den masse :-)

Eg lika ikkje 1. april

2011-03-31T10:28:00.003+02:00

Prøve iherdig kvart einaste år å finne på noke morsomt sjøl
- men eg er ikkje morsom.
Prøve derfor istedenfor å holde munn og holde meg unna folk
- for eg er nok litt lettlurt...
Prøve videre å late som at eg ikkje trudde på noken av spøkane eg har hørt og lest.

Ønska meg sjøl (og andre) lukke til i morra.

Du kan vere ganske trygg på at det ikkje kjem noke lurerier herfra :-)

2011-03-29T13:23:00.003+02:00

Eg er ikkje god på å bruke handlenett.
Kjem alltid ut av butikken med varene mine i plastikkposar. Dette kunne eg virkelig ønske at eg klarte å slutte med...

Men... vi har ikkje sortering av matavfall i Bergen, og på grunn av det blir det mykje restavfall. Særlig med bleiebarn. Og til bosset brukar vi plastikkposane.

Det blir mykje boss...
Det blir mange plastikkposar...

Kan det vere så vanskeleg?

2011-03-28T11:44:00.002+02:00

vår, sommartid, snø og sol

tenner kommer og tenner forsvinner...

Samtidig som min lille prinsesse omsider får sine første tenner, så har den kule storebroren fått si første lause tann. Han legger store planer for sin komande formue frå tannfèen. Eit nytt PS3 spill er planen - "då kan eg være med å betale, pappa"

Dei ferske tennene til frøken fjong har nok skapt litt plager, for ho har ikkje hatt heilt formen inne i helga. Litt feber, litt søvnproblem og sur som søren... Men no trur eg vi er over kneika og klar for ei veke i våren :-)

(og til mormor: om du lese dette før du kjem, så lat som du ikkje veit om den lause tanna ;-)

kor, kaffi og klatremus

2011-03-22T19:47:00.007+01:00

Sist helg var det korsang for alle pengane. Øvingshelg - heile laurdag og heile søndag. Og eg var åleine heime og måtte ha barnevakt til begge dei små. Det trur eg dei satte pris på begge to - mykje farmorkos... gode dagar.

dette er litt av koret mitt - ein fin gjeng...

Sangen gjekk også bra. Det starta litt dårleg, med hovudverk og vond hals. Men straks realitetane gjekk opp for meg fekk eg sving på dagen. Saka er: eg er avhengig av kaffi! Og då kan ein ikkje tru at ein kan leve uten ein laurdags morgon når ein blir vekt klokka fem (05.00)! Straks koffeinen kom i kroppen steig formkurva. Halsen lev sitt eige liv - og ein kan faktisk synge 1. sopran sjølv om stemma høyres ut som kråkemas. Det er overraskande, men sant.

dette er min kaffi... deilig mørk og sterk

Jenta vår er godt over året no, men tenner har ho ikkje somla seg til å produsere. Truleg har ho hatt det for travelt med andre ting. Som å lære å klatre. Ho klatrar opp der ho vil - og det er alle stadar der ho ikkje får (så klart). Og dagane går mykje med til å plukke ho ut av stoveplantane, ned frå hyller og tv-benk og fram frå stolar og bord. I dag fekk ho full klaff og rakk akkurat å dandere eit brukt kaffifilter utover golvet på kjøkkenet før eg oppdaga at ho hadde funne fram til søpla.

Men no sover begge barna - og eg har fått eit par koppar kaffi...

Og prinsesse klatremus har faktisk fått ein pitteliten spiss kvit tannstubb i munnen i dag...

Og sangen og stemma... vel i morgon er det øving igjen.

Lilja mi

2011-03-17T07:22:00.003+01:00

Dette er eit innlegg om ei lilje.
Eg har jo ingen grøne fingrar og dårlig med kunnskap på område, så for meg er det faktisk berre ei lilje... eg veit ikkje kva ho eigentleg heiter.

Eg har fleire slike heime hos meg. Dei vekse godt og dei store plantane deler seg slik at eg får nye mindre liljer. Den første fekk eg frå mamma, som har hatt desse i hus i årevis. Innimellom kjem det blomster på dei. Det kan gå år mellom kvar gong, så når det skjer er det litt spesielt.

Denne står i vinduet mitt no - og dei nydlege blomane viste seg for ei vekes tid sidan. Ettersom dei blømer så veks dei også oppover på ein stilk, så dei blir flottare og flottare - og der er mange knoppar.

Min rekord er 17 blomar på ein gong - og det var i april 2007. Sjå bildet under.
Flott?

Ny heimelaga onepiece

2011-03-12T19:02:00.004+01:00

Påskestemning

2011-03-10T19:47:00.003+01:00

Eg er møkkalei av snø!
Trudde faktisk vi var ferdig med den, og var klar for vår... Men neida, 10 cm nysnø i dag. Det meste er allereie slapsete og deilig, men vi rakk iallefall å vere litt i akebakken i ettermiddag. Bruke snøen til noke kjekt i det minste.

Bildetekst: a-a-a-a-a-a-a-Atsjoo!

Det er litt underlig... uhåndterlig...

To snøenglar...

To gode venna...

Leikepose

2011-03-10T10:56:00.002+01:00

Eg såg noken på ein blogg som hadde laga seg ein sånn pose til leikegrinda. Det var intet mindre enn genialt, og eg var ikkje bedre enn at eg stal idèen med det same.

Takk for tips!

Ikkje akkurat prinsessebursdag

2011-03-05T20:12:00.003+01:00

I dag skreiv vi endeleg siste kapittel i feiring av vår ferske 5-åring...
Skulle jo ha guttebursdag sist laurdag, men sjukdom i huset gjorde at vi måtte utsette til i dag.

Dagens tema: SPIDERMAN

Drakt, duk, kake....

Gutten fekk endå fleire gåver - og denne gangen vart det noken nye ting han kunne bygge. Då er han i sitt ess.... lik sin pappa :-)

Trøtt og fin og fornøyd.

Ein fin dag...

er skikkelig lei

2011-03-02T10:52:00.002+01:00

i går låg eg på sofaen heile dagen...
Tuva fann bøtta som stod på golvet og løfta den over hodet og sa "mamma"...
ja... det var visst min tur igjen.

Men no må det jammen være slutt for ei stund.

rødvin og chili con carne

2011-02-27T21:19:00.002+01:00

Aldri kjem eg til å starte ein matblogg... mitt kjøkken er ikkje spennande nok til å dele på verdsveven.

Men å dele gode stunder gjer eg gjerne... så medan eg ventar på at vinen vert temperert (ja, faktisk... på ein søndag) og chili'en sydar - foccacia i omnen... Så skriv eg litt her.

Dei små søv, og er på betringens veg - det har igrunn vore ei litt slitsom helg.
Mykje sutring og antibac...

Og til vår seine sundagsmiddag hadde eg lyst på vin - men trudde ikkje vi hadde... Men min kjære trylla fram ikkje mindre enn to flasker frå "vinkjellaren". Sikkert frå turen min til Barcelona...
Det greier seg lenge med litt av den eine.
Gran Sangre de Toro 2005

Ha ei fin veke :-)

Det var den månaden det var så bratt...

2011-02-26T15:42:00.004+01:00

Februar 2011
Vannkoppar, omgangssjuke, omgangssjuk, omgangssjuke, vannkoppar, omgangssjuke, omgangssjuke, omgangssjuke...

Det er faktisk ikkje tull - denne månaden har vore i bassiluskane sitt navn... begge barna er iallefall ferdig med vannkoppane. Og minstefrøkna har fått prøvd sin første reale spysjuke. Og den ferske fem-åringen er faktisk igang med runde tre av omgangssjuka... var dårlig på bursdagen sin onsdag og blei dårlig igjen i dag når vi skulle ha barneselskap. Det er jo litt urettferdig?

Men han tar det med knusande ro, Star Wars på playstation3 og saft på drikkeflaska.

Barneselskapet? Vi prøver igjen neste lørdag...

God helg!

Konkurranse i handlaga...

2011-02-24T19:32:00.005+01:00

"Strikker du votter? Syr du dine egne klær? Snekrer du leketøy?
Bli med på årets store begivenhet og vinn flotte premier!
Vi arrangerer Håndlaga 2011; en mønstring for skapende sjeler over hele landet!"

Spennande - det må eg følge med på. Her er link til sida...

Heldige Hanne...

2011-02-21T20:50:00.002+01:00

... har kjøpt seg ny symaskin

... og er SÅÅÅÅ fornøyd.

Bursdagskjole og litt vårlig fornying

2011-02-18T17:49:00.003+01:00

I morra er det klart for kjempestor bursdagsfest for fire februar-bursdagsbarn i familien. Begge mine skal feires, så då var det vel på sin plass med ny kjole.

Vi slår sammen feiringane, slik at gjestane får ein stor fest istedenfor fire små. Mindre kaker, meir party :-) Blir spennande... Kjøkkenet er fullt av kake/bolle/muffins-greier og det er ingen fare for sukkermangel på denne festen heller.

Har lånt lokaler i ein barnehage - så forholda ligge tilrette for skikkelig barnefest.

Vi gler oss...

Og siden det har vært litt sol i det siste så trur eg nok det er vår... (snart)
Derfor har eg sydd nye gardiner... og av restane så laga eg ein løper til spisebordet. Og til ære for dei som har vore heime hos meg - dette er eit bilde av spisebordet;

... uten ein einaste stoffbit, symaskin, saks eller knappenål.
Det skjer av og til ;-)

God helg!

Morsdagspresang til den beste mamma

2011-02-15T20:21:00.002+01:00

Kunne jo ikkje blogge detta før etter morsdag, for då hadde det ikkje blitt særlig til overraskelse.

Sydde eit retro-inspirert handlenett til mammaen min. Når eg skal lage noke til mamma må eg finne på noke som ho liksom ikkje ville gjort sjøl.
Ho er jo tross alt den som kan dette med sying ;-)

Akkurat desse fargane og applikasjonane trur eg nok ikkje ho hadde valt sjølv.
Eg lika retro-stoff... eg lika endå bedre at dei har fått noken skikkelig flotte på Stoff og Stil.

Så då er det berre å shoppe, igrunn...
Den sjarmerande og ukritiske ugla er uansett enig i alle dine innkjøp...

God shopping!

Endelig litt sol...

2011-02-13T19:03:00.002+01:00

Og guttane benytta lørdagen til ein tur på Arnanipa. Vi jentene var heime og talte vannkoppar... den lille frøkna har satt ny familierekord, og er skikkelig prikkete. Stakkars liten... Men formen er igrunn fin likevel, heldigvis.

Jaja, så har vi gjort unna det.
Eg har forøvrig brukt helga til å sy tre nye kjolar...

1 år!

2011-02-10T07:41:00.004+01:00

Vår skjønne gode lille venn er blitt 1 år.

Tida går ubeskrivelig fort - det er ikkje mulig å henge med...

Ho har spasert for eiga maskin i nokre veker allerede, og skal opp og fram. Ei lita klatremus, som kjem til å få ein del kular og skrammer ;-)

Dagen skal ikkje feirast "skikkelig" før neste helg - så i dag blir det berre vår lille familie som skal gjer litt stas på prinsessa vår.

Go'jenta!

Meir kjoleproduksjon

2011-02-06T22:56:00.002+01:00

syr og syr...
Har lånt svigermor si symaskin og det er blitt tre nye kjolar i helga.
Tre til ligge klar og to nye er bestilt...
... og litt anna innimellom.
Morro!

Ny kosedress i fleece

2011-02-04T13:28:00.003+01:00

andeparkering...

hip hop...

"en garde"...
kul...
skummel...

er det ikkje det eine, så er det noke anna...

2011-02-02T11:15:00.002+01:00

Endeleg var vannkoppane blitt såpass friske at dei kunne vere med i barnehagen. Og ka skjer - før barnehage-dagen gryr er både mammaen og pappaen til vannkoppgutten slått ut av omgangssjuka. Herre min hatt. Ikkje den beste dagen i verda, akkurat. Slakk og uggen på kvar vår sofa med to barn innimellom...

Og i natt kom vannkoppgutten taslande ned trappa: mamma, eg føle meg ikkje så bra.
Og vips så var alt det som ikkje føltes så bra kommet ut - og dei trøtte, triste augene såg på meg...
mamma, dokke har smitta meg

Heldigvis går sånne ting ganske fort over... men eg er framleis skikkelig uggen og redusert...

nei og nei...

2011-01-30T23:26:00.002+01:00

Symaskina mi har slutta å virke...

Krise... plutselig ville den berre sy bakover (?)...

No blir det vel et lite avstandsforhold ei stund...

Klarte ikkje å finne løsning på problemet...
(men vi klarte å montere den sammen igjen, slik at den iallefall ser frisk ut)

Baby-gave

2011-01-28T12:33:00.003+01:00

Eg har laga ein liten gave til ein ny guttebaby. Heilt ny er han ikkje lenger, for eg er som vanlig litt seint ute :-) Men han skal nok bruke bleia lenge endå... og smokk...

Bleiepose med plass til 2-3 bleiar og ein pakke med våtserviettar.
Smokkesnor som holder smokken på plass...

Vannkoppar...

2011-01-27T12:45:00.003+01:00

Då har vi fått første barn med vannkoppar...
Han sitte i sofaen i spidermandrakt og spelar på x-boksen og er tilsynelatande upåvirka av det heile. Han har prikkar på ryggen og litt rundt ørene, men kan ikkje sjå sjøl kor ekle dei er - og ikkje klør dei heller... endå

(Bildet er fra juleferien, men det er jo mykje samme stil ;-)

Blir det slik, så kan vi leve med det :-)
Einaste var at barnehagen skulle på teater i dag, og det var ikkje lett å forklare koffor ikkje han fekk vere med. For han er jo strengt tatt ikkje særlig sjuk. Så derfor spilling - mamma kjøper seg forståelse med god hjelp fra ulike spillkonsollar.

... og så venter vi eit par veker på ein runde til

Kan det føre til noke godt?

2011-01-24T13:11:00.003+01:00

Marie Amelie er på veg ut av Norget. Her har ho blitt voksen, fått venner, utdanna seg, fått sambuar og levd eit liv så tilsynelatande likt våre... Berre at det har det aldri vore. Ho har alltid hatt ein skygge over seg - ein skygge som no har kome fram i lyset og satt ho på eit fly til Moskva.
Ho veit ikkje kva liv som ventar - ho veit berre at i dag rasa verda saman. Ho bryr seg nok ikkje om alle dei som har ei meining om dette. Alle dei som skriv kommentarar i avisene og som snakkar om ho. Ho ønskar seg sikkert berre heim. Det er umulig for oss å forstå denne situasjonen ho opplever no.

Eg veit ikkje nok om regelverket rundt dette. Men dersom saker kan avgjerast med skjønnsvurderingar, så bør Maria vere etter mitt syn, ei skjønnsmessig god investering for det norske samfunn. Samtidig så meiner eg ikkje at nokon skal få fordeler fordi dei er ressurssterke på enkelte område. Ho er pen, flink, snakkar perfekt norsk (bedre enn Yngvar Andersen ifølge Linn Skåber), ho har gitt ut ei bok, ho held foredrag... og ho har sterke prinsipp. Ei ung, sterk dame med ordet i sin makt... Sidan ho allereie hadde "gitt" fjeset sitt til saken, så er det naturleg at det får ein del spalteplass.

(Ho skriv også sin eigen blogg)

Skal ein gje norske pass på grunnlag av utdanning, oppførsel og verdiskaping til Norge, så har ho ein sterkare søknad enn veldig mange norskfødte. Men der er mange tusen uten papir i Norge. Der er mange som sitter i skyggen av denne saka og ikkje får tårene sine på tv.

Saka er komen på dagsorden og det er ikkje tvil om at det er trong for endringar i regelverket. Eg har ikkje løysinga. Men eg håpar å sjå Maria Amelie tilbake i Norge, med skattekort og nye manuskript på laptopen.
Lykke til!

Ettertenksom på ein søndag...

2011-01-23T22:09:00.006+01:00

Menneskets beste venn...

Dette er vår Balder. Det er snart 3 år siden vi mista han, men etter å ha vore ein del av familien i nesten 9 år, har han ein plass for alltid.

Eg har tenkt mykje på Balder i dag...

Han var den striaste, særaste, raraste, kjappaste, mest utspekulærte, gjennomskuelige og flotte hund du kan tenke deg. Han var ein strihåra vorster... ein stor og kraftig fuglehund som ofte blir brukt som trekkhund.

Dette er det siste bildet av Balder. Tre dagar før han måtte avlivast pga sjukdom. Fort, uventa og overraskande... Og sjølv om han var ei handfull eller tre - og sjølv om det er mykje arbeid med hund, så var det veldig, veldig trist. Han var full av energi heilt til siste dag - vill og valpete. Kosete og snill, og veldig glad i folk og oppmerksomhet.

Jammen har vi mange gode og morsomme minner med deg i hovudrolla.
Du har gitt oss mange gode historier - som vi alltid vil hugse.
Vi var veldig glad i deg!

Tre skritt... heilt åleine

2011-01-20T09:55:00.003+01:00

Eg vil opp og fram
Eg vil stå
Eg holder meg litt
Eg holder meg ikkje
Eg tar ett skritt ein dag
Eg tar ett skritt ein anna dag

... i dag tok eg tre

Tuva, 11 mnd og 10 dagar

... og seinare på dagen blei det tre til og så fem... og åtte.
Så då er vel koden knekt :-)

Julegave til meg fra meg

2011-01-18T14:39:00.002+01:00

Denne koppen kjøpte eg lenge før jul... i november ein gang. Det skulle bli julegave til noken. Men så blei det kjøpt og laga andre ting, så denne koppen stod åleine igjen i ein pose etter julestria. Trur muligens det var litt underbevisst, for eg hadde veldig lyst på den sjølv... Ein presskannetermokopp... snakk om kinderegg.

No har eg endelig fått kjøpt presskannekaffi til den nye koppen min og tatt den i bruk. Og eg trur nok vi var meint for kvarandre - denne koppen og eg ...

Hverdagskos!

Klar for ei festleg helg!

2011-01-14T18:57:00.004+01:00

Fire bursdags"barn", juletrefest og nyttårskonsert...

I familien vår er det fire voksne bursdagsbarn i første halvdel av januar... Det har blitt tradisjon å ha felles feiring, og i morra er dagen. Så derfor har eg tatt på meg konditor-hatten i dag og skal lage festkake. Så langt har eg en nøttebunn og to sukkerbrødbunnar... så er planen å lage karamell, karamellkrem, litt krem med bær og marsipanlokk med karamellpynt.

Søndag skal alle barna være med farmor på juletrefest med jobben. Også ein tradisjon - og veldig populært...

Og siste post på helgeprogrammet er nyttårskonsert i regi av Hordaland korforbund... forøvrig også tradisjon. Typisk nok kjem ofte desse tre arrangementa same helg.

Jaja, det er jo sikkert lenge til neste gang, skulle ein tru - men neida. Vi har fire bursdagsbarn i februar også... og det er faktisk barn, så dei skal nok ha eigne selskap...

Men no er det fredag :-)
Først håndball og så litt nytt på nytt til scampien...

God helg!

Det blømer :-)

2011-01-13T12:48:00.003+01:00

Ja, nemlig...
For jammen er det kjekt med amaryllis i januar!

Vi er midt på årets første kalenderark, og først no ville denne røde skjønnheten stikke seg fram.

Eg fekk denne i gave så tidlig som 13. desember, og normalt så ville den sikkert vore vissen for lengst. Men trikset mitt ;-) (heilt ufrivillig, skal seiast) er å legge blomster i dvale.

For når eg tar juleferie er huset på eit minimum temperaturmessig... ikkje særleg leveleg for verken folk eller plantar. I fjor kom vi heim til ei slagmark... grønt var blitt brunt. Men i år var det ikkje lke kaldt ute, så det vart ingen "casualties". Men altså... amarylissen må ha gått i dvale - for den hadde nesten ikkje rørt seg på 10 dagar...

Så eg gler meg over noken små restar frå jula. "Ny" amaryllis og opptak frå vår egen julekonsert. Så får det berre snø, for min del.

Skikkelig dårlig føre

2011-01-11T18:57:00.003+01:00

Det har lava ned tunge, klissvåte snøfiller heile dagen.
Temperaturen er noken få små raude tal, og kominasjonen av dette blir berre IKKJE morro.

Hovudvegane er knirkefri, og ein skulle tru det førte til litt ekstra tid og innsats til småvegane rundt omkring. Men for første gang siden vi flytta hit var det kø opp siste bakken... Mange blei ståande fordi noken få ikkje kom seg opp - i høg sørpe og djupe spor... Han vi venta på, kunne vi sjå frå vinduet, men det tok si tid før han kom inn døra.

(bildet er frå jula - "pappa, du må komme heilt ut å sjå snømannen")

Eg tar det ikkje så tungt i dag. Det lengste eg har vore ute er for å måke plassen utanfor huset. Har hatt heimedag med to små i dag. Det er litt luksus å kunne unne seg det. Berre vere heime. Fødselspermisjon gir høve til det - og enkelte dagar er det ikkje fristande å gå ut. Kle på ein vaksen og to små og vite at alt blir klissvått. Haste for å rekke buss med bæremeis på ryggen og 4-åring i handa. Ein 4-åring som ikkje har noke formeining om kva det betyr å vere rask...

Så då er det lett å la babyen sin litt snørrete nese
gje sjukemelding til heile dagen og erklære
kosedag!

I neste innlegg har eg faktisk allerede planlagt kva eg skal skrive om. Det kjem til å dreie seg om noke eg slett ikkje rår med - nemleg plantar og vekster. Det er jo snart vår, ikkje sant?

Mandag...

2011-01-10T08:43:00.003+01:00

Det begynner å lysne utenfor, men dagen er allerede godt igang her i huset. Faktisk er minste frøken fryd veldig klar for å legge seg igjen... Ho sutra og overdøve nyhetene på tv. Skal få ei flaske lunka melk og då er verden fin igjen. Smokken på plass og rett ned under den nye dyna med barbapappa dynetrekk.

Denne veka er planen å vere kreativ... helga var ein god start, og i går fekk eg ferdig ein kosedress til Tuva i fleece. Har ein del bestillingar som skal gjerast ferdig og eg håpar det blir ein del ekstra tid... Sidan før jul har det vore ein del styr med sovinga til "prinsessen på erten" Ho er ikkje heilt enig med oss om når det skal sovast... men no går alt så meget bedre - og då blir det meir overskudd.

Det har vore mykje vint ute i natt... juletreet på leikeplassen er blåst heilt på skakke, så eg trur kanskje eg skal ta litt ansvar og iallefall ta av lysa etterpå.

God mandag - og god veke...

Kjoler til skjønne jenter

2011-01-08T11:53:00.002+01:00

Disse to nydelige småtrolla fikk kjole til jul...
Tante Hanne håpa jentene lika kjolane sine.

Den lilla er i lin og den rosa er i "joggedresstoff" ...

Eg har allerede fått fem nye bestillingar i samme stil som denne rosa ;-) Veldig kjekt...

Takk for dei fine bildene :-)

Godt nytt år!

2011-01-02T10:35:00.004+01:00

Vi er på plass i heimen igjen etter ein lang juleferie.

Det er rart med slike feriar - som er så lange at du trur du skal få tid til alt mulig;
lese tre bøker
sjå film - minst ein kvar dag
gå på kino...
gå på Herman (den lokale pøbben)
gå masse tur
besøke gamle venner
romjulsshopping
og sove...

Av alle dessa tinga, så har eg sett tre halve filmar, gått litt tur, vært ein liten tur på Herman og fått besøk av gamle venner. Resten får bli neste jul.

Eg har strikka tre luer... fra Arne og Carlos sitt mønsterhefte...

Litt på skakke, men vi var enig om at den var kul... Muligens noke eg kjem til å prøve ut litt meir...

Det er koslig og kjekt med masse familie rundt seg, men jammen er det fint å komme heim også - til si eiga seng, pc, tv og sin eigen tralt...

Ser på bloggar og facebook at folk er ferdig med å rydde vekk jula allerede... så langt er ikkje eg komen endå. Vi har jo ikkje juletre, så vi slipper den jobben iallefall. Men her er jo litt jul, lell. Får sikkert være her til helga, vil eg tru.... det er så trist å ta vekk lysa.

I morra er det min bursdag. I kveld tar eg eit glass rødvin - fordi eg fortjena det

Godt nytt år!

Som julekvelden på Hanne...

2010-12-15T09:58:00.004+01:00

oj, no går dagane fort...
Det er ikkje mulig å vere ute i god tid. Eg prøver kvart år, men lista er så lang - og det er så mange ting eg skal gjøre innimellom. Det er ikkje klaging, igrunn - for eg synst det er fint med jul. Koslig å planlegge gaver som skal kjøpast, syast eller bakast. Men eg har så lyst å gjer meir enn det blir tid til.

Pepperkakehuset ligge framleis i "gjør-det selv"-eska si... uten sukkerlim og nonstop. Men vi hadde besøk av noken sjarmerande små bakarar på Luciadagen, og det vart lussekattar til barne-tv.

Eg er meir julete enn dei fleste - og tar meg sjøl i å sjå på Jul på Månetoppen om morningane når tv'en står på etter at Viljar er reist i barnehagen...

I dag er siste konsert i den lange rekka av koroppdrag før jul. I Nygård kirke - sammen med Laksevåg musikkforening. Og i morra skal eg få med meg Fjell kommune sin julekonsert for alle ansatte. Det blir Tuva sin første konsertopplevelse ;-)

I dag skulle barnehagen ta toget inn til byen og levere pakkane sine. Dei har ein flott juletradisjon med at alle barna tar med seg pakke til kalenderen. Leiker eller klær som er for små... så viser dei fram pakkane i dagane før jul, og i dag skal dei altså legges under juletreet på torgalmenningen, til slumsøstrene sin innsamling. Og i samme slengen tar dei sjølvsagt turen innom pepperkakebyen :-)

Og dessuten har eg hatt masse bestillingar før jul i år. Men no er lista snart tom - og eg kan kanskje få gjort ferdig egne prosjekt... Noke må vente til over jul... sånn er det alltid :-)

Ønska dei som som måtte kikke innom ei god tid før jul. Nyt det om du kan!

one down....

2010-12-05T20:58:00.003+01:00

Første del av kor-maraton er over. Ein kort og grei start. Liten gjestevisitt i Birkeland kirke under dagens gudsteneste for å promotere litt for konserten vår der komande torsdag.

Det neste er konsert onsdag.

Ellers har vi vore i eit av familiens mange bursdagsbesøk... koslig å treffast.

Og i morra skal vi på juleoppvisning med turngruppa til Viljar. Det blir nok ei oppleving av dei store - prestasjonar du knappast kan tru. Ein haug 4-åringar som skal vise sine kunstar. Det er virkelig flott. Det eg lurar mest på er om han klarar å halde fokus nok til å henge med. På treningane blir det fort kjedelig å stå på rekke å gjer som dei andre... mykje kjekkare å springe fritt og tøyse på tjukkasen. Uansett er eg sikkert den stoltaste mamma av dei alle :-)

kor.... for alle penga

2010-12-02T19:45:00.003+01:00

Denne førjula står i korets tegn...
Av dei 15 første dagane i desember så var 8 kveldar opptekne med korsang. Det er jo ikkje særleg småbarnsvenleg... og ikkje særleg kjærestevenleg... og heller ikkje produksjonsvenleg. Men eg har plan om å få gjort alt eg vil likevel :-) Rett og slett...

Men planane går stadig i vasken.
Som når det er så kaldt - og babyen er så snørrete.... det blir det ingen bytur av. Og dermed ingen julegaver... Og når babyen er snørrete blir det litt dårlig med soving - som igjen er nødvendig for at mamma skal få sy litt om dagen.

Det er iallefall ikkje eg som bestemmer over mine dagar.
Men etter 15. des er alle konsertar og øvingar over - og kveldane kan brukast til berre mine eigne juleting.

Eg gler meg til julekonserten vår.... vi skal vere med på fire andre arrangement i år, men det er vår eigen konsert som er krona på toppen. Det er garantert julestemning. Vi har ein særdeles dyktig dirigent som også er solist... vi har med gode musikarar (jazzmusikarar) og vi har eit flott, spennande og utfordrane repertoar. Dette blir langt fra ein tradisjonell julekonsert med allsang og berre kjente sangar - slik er ikkje våre konsertar. Vårt mål er å gje publikum ei oppleving. Ei litt unik muskals stund med store klangar, vakre harmoniar, spennande stemmebruk og nydlege arrangement. Eg kunne faktisk godt tenke meg å vore publikum sjølv... Om det skulle vere nokon som les dette som er i Bergen 9. desember kl 20.00, så veit du kor du må gå... (og på bloggen til koret kan du vinne gratis billettar)

kulde og lange lister

2010-11-29T08:20:00.000+01:00

Eg hadde store planar om at i år - ja, i år, skulle eg iallefall vere tidlig ute med julegavene. Vel, det toget er jo faktisk allerede gått, men vi er ikkje kommet til desember endå heldigvis. Så no er det berre å sette igang...

Desember er tid for lister...

Julegavelister
Handlelister
Gjøre-lister
Sy-lister
Synge-lister

Har virkelig masse å gjør før jul. Det er igrunn ikkje tid å sitte her å blogge ;-)

Kledd for novembervinter i sogn....

Julemesse i sogn

2010-11-16T10:23:00.000+01:00

I år har eg fått spørsmål om å vere med på julemesse på Hermansverk - og det vil eg så klart :-)
Har ikkje fått gjort så mykje som eg hadde tenkt, men men... Har laga eit lite innlegg på NestenPerfekt med noken smakebitar...

Så blir det spennande å sjå. Vi gler oss uansett MASSE til førjulstur til sogn.

Kunne du tenke deg litt julestemning?

2010-11-10T22:51:00.000+01:00

I år kan du vinne billettar til årets julekonsert med Korall
Det er berre å kikke innom bloggen til koret og legge igjen ein liten kommentar.

Så enkelt kan du faktisk sikre deg ei gratis førjulsoppleving du sikkert vil ha glede av.

Det er jo mulig eg er litt partisk, men det er virkelig verd å ta turen til Birkeland kirke 9. desember. Koret er i knallform (ei lita veke i Barcelona gjorde vel sitt :-)
Damene er flottare og flinkare enn noken gang...
I tillegg til koret har vi med dyktige musikara og ein strålande dirigent og solist.

Så... løp og kjøp!

Gratulerer med dagen, Sigrun

2010-11-03T07:52:00.000+01:00

Tenk at lille Sigrun er blitt 30 år.

Huska så godt når du var liten... Eg var den stoltaste storesøstra i mils omkrets - og verdensmester i å være nettopp det - storesøster. Trilla vogna fint fram og tilbake oppe på vegen, og delte gjerne mine erfaringa med nabojentene som blei storesøstre etter meg ;-)

Sannheten er vel at du var snill som et lam. Det var ikkje så vanskelig å passe på deg. Men eg huska veldig godt når du var sånn rundt to år at eg oppriktig ønska at du ikkje skulle bli større, for du var såååå skjønn med krøllane dine :-)

Eg er kommet over det - du blei jo ikkje så værst når du blei større heller...

Egentlig vil du nok aldri bli heilt voksen for meg... Samme ka du gjør ;-) Men du har utretta meir enn voksne flest - er flink, fornuftig, bereist, kunnskapsrik, engasjert, interessert, god og kreativ.

Ha ein fin dag, min venn - eg er veldig glad i deg.

Stoooor bursdagsklem!

Før fuglane feis

2010-11-02T08:07:00.000+01:00

Ja, klokka er åtte tidlig tirsdag morgen - eg har fått nytrekt kaffi i koppen og sørfa litt gjennom avisene med NRK Super i bakgrunnen. Det er absolutt ingeting unormalt med dette....
Men dette burde jo liksom vere starten på dagen, ikkje sant?
Men vi jentene har vore våkne siden før fuglane feis i dag... (det er sånn litt over fem) Då var noken av oss heilt klar for ein ny dag - ikkje interessert i forhandlingar - og med ein full bleie som trumfess...

Så då stod vi opp... fikk ny bleie og eit par lag med ull. Tre timar og endå ein bleie etter er humøret raskt synkande. Snart soveklar igjen. Ute er det høststorm og vått.

Storebror tar ein dag eller to i heimen for å pleie hoste og snørrete nese. Han er heimekjær som oss andre, og protestera ikkje på det. Sitte med Spidermandyna og spidermanputa og kosa seg i spidermansokkar og spidermangenser... og leikar seg med? Jepp - spidermannfigurar :-)

Ein fin dag - ein laaang dag